💛【大件夾抵食嘅泰菜小店！】去完更加掛住泰國...
-
呢間泰國菜都幾多人排隊，餐廳裝修幾有特色，牆身畫滿哂好靚嘅畫，好有置身喺泰國嘅感覺呀！大部份食物仲要只係由$3x至$4x不等，叫齊成枱都只係百幾蚊，同朋友未飛到泰國嘅話可以嚟扮吓去咗泰國先！
-
其實呢度《海南雞飯》$42係必食，不過嗰晚嚟到就賣晒，所以最後叫咗《泰式豬手飯》$47，四十幾蚊有咁嘅質素，泰手滷豬手份量夠夠，識落啖啖骨膠原，肉質嫰滑，點埋酸辣泰式醬汁好滋味！
-
《泰式酸辣鳳爪$36》係冇骨嘅，分量勁多疊到成座山咁，酸酸辣辣好開胃！《泰式豬頸肉$46》一份都幾多，豬頸肉勁鬆化，嚟到仲係熱辣辣，食肉獸必食之一！
-
《冬陰功湯（$48）》，食泰國嘢一定會心痕痕想飲冬陰功，呢到嘅冬陰功可以就咁叫例牌size，椰香味好濃～所以唔食得辣嘅潮友都飲得，個湯入面仲有有好多隻蝦、草菇、蕃茄，酸酸甜甜好上癮。
雄泰
地址：粉嶺和泰街21號地舖
#PND粉嶺 #PND泰國菜 #PND小食
Search